नेपाल प्रवेसद्वार निर्माण शुरु गरेका दिवान आग्री प्रदेश सभाका उम्मेदवार
आगामी ४ मंसिरमा हुने प्रदेश तथा प्रतिनिधी सभा सदस्य निर्वाचनका लागि कञ्चनपुर क्षेत्र नम्बर ३(क) बाट दिवान आग्रीले स्वतन्त्र उम्मेदवारी दिएका छन । आग्रीले ३ ९क० प्रदेश सभाबाट प्रदेश सभा सदस्यमा उम्मेदवारी दिएका हुन । प्रदेश सभा सदस्यमा दोस्रो पटक उम्मेदवारी दिएका आग्रीले झण्डै दुई दशक अघि नेपाल–भारत गेट निर्माणका अभियन्ता हुन ।
१५ पुष ०६० सालमा कञ्चनपुरको भीमदत्त नगरपालिका ११ गड्डाचौकीमा गेट निर्माण शुरु गरेका थिए । गेटका लागि दुवै पिलर निर्माण गरेका उनले आर्थिक अभावका कारण पुरा गर्न सकेका छैनन । कञ्चनपुर क्षेत्र नम्बर ३९क० बाट दिवान आग्रीले स्वतन्त्र उम्मेदवारले जाँतो चुनाव चिन्ह पाएका छन् ।
ढिलोगरी ५÷६ बर्ष अघि मात्रै भारततर्फ भारतीय सरकारले गेट निर्माण गरिसकेको छ । तर, १९ बर्ष अघि आग्रीले गेट निर्माणका लागि शुरुवात गरे पनि अधुरै छ । पश्चिम नेपाल गड्डाचौकी नाकादेखि भारतको राजधानी दिल्ली सबैभन्दा नजिकको नाका हो । गड्डाचौकीबाट झण्डै ३ सय ८५ किलोमिटर दुरीमा रहेको दिल्ली नेपालीको रोजगारीको गन्तव्य हो ।
स्वतन्त्र उम्मेदवार आग्रीले निर्वाचन जितेहारेपनि गेट निर्माण गरि छाड्ने बताए । ‘यही नाका भएर दैनिक हजारौँ मानिस रोजगारीका लागि भारत जान्छन, ‘आग्रीले भने, ‘नेपाल प्रवेस गर्दा केही चिनो झक्लो दिनेगरी शुरुवात गरेको थिएन, तर आर्थिक कारणले पुरा भएन ।’ आग्रीले रोजगारी, शिक्षा, स्वास्थ्य,भ्रष्टाचार सहित समाजको परिकल्पना एजेण्डा अघि सारेका छन ।
‘म चुनाव जितेपछि राज्यले दिने सेवा सुविधा लिदैन, ‘उनले भने, ‘पुरै रकम अनाथ बालबालिकामा खर्च गर्छु ।’ देशभरी स्वतन्त्रको लहर चलिरहेको बताउदै उनले केही पार्टीका उम्मेदवार आएर आफुलाई बसिदिन आग्रह गरिरहेको बताए ।
‘क्षेत्र ३९क०बाट म मात्रै स्वतन्त्र उम्मेदवार हुँ, ‘उनले भने, ‘अन्यले पार्टीबाट टिकट नपाएपछि रिसले उम्मेदवारी दिएका छन, त्यो बागी उम्मेदवारी मानिन्छ ।’ चुनाव चिन्ह पाएसंगै प्रचारका लागि गाँउ गाँउमा जाने बताए । उक्त क्षेत्रका जेष्ठ नागरिक बुद्धिजिवी बलदेव अवस्थीले समेत दलबाट नागरिक आक्र्रान्त भएका बेला स्वतन्त्र रुपमा चुनावी मैदानमा होमिएका आग्रीलाई शुभकामना दिनुभयो । जनसरोकार पोस्ट
