कञ्चनपुरमा लागुऔषधसहित एक जना पक्राउ

कञ्चनपुर : कञ्चनपुरमा लागुऔषधसहित एक जना पक्राउ परेका छन् । जिल्लाको बेलौरी नगरपालिका २ बैजुडाँडाबाट सोमबार राति ८ बजेतिर कैलालीको कैलारी गाउँपालिका ११ घोरसुवा बस्ने राजु चौधरी पक्राउ परेका हुन् ।

उनलाई ७.६३ ग्राम लागुऔषध खैरो हेरोइनसहित पक्राउ गरिएको इलाका प्रहरी कार्यालय बेलौरीले जनाएको छ । उनीमाथि थप अनुसन्धान भइरहेको बताइएको छ ।