कञ्चनपुर । भीमदत्त नगरपालिका ८ तिलाचौर पहिलो पटक रामलीला महोत्सव शुरु भएको छ । कञ्चनपुर रामलीला समिति र रामलीला संञ्चालन मुल आयोजक समितिको आयोजनामा रामलीला महोत्सव संचालन भएको हो । कञ्चनपुरका प्रमुख जिल्ला अधिकारी गोपाल प्रशाद अर्यालले रामलीलाको उद्घाटन गरेका छन । रामलिला उद्घाटन गर्दै प्रमुख जिल्ला अधिकारी अर्यालले धर्म संस्कृति संरक्षण, सुशासनका लागि महोत्सवलाई त्यतातिर लैजानुपर्नेमा जोडदिए ।
तिलाचौरगाँउ स्थित त्रिभुवन माध्यामिक विद्यालयको प्राङगणमा भगवान राचन्द्रको जिवनमा आधारित रामलीला महोत्सव संचालन भएको छ । रामलीला संचालन मुल आयोजक समितिका अध्यक्ष भुपाल सिह विष्टले महोत्सव शुरु भएको बताए ।
‘हामीले गाँउमा पहिलो पटक रामलीला महोत्सव संचालन गर्न लागेका छौँ, ‘अध्यक्ष विष्टले भने, ‘यसमा सबै क्षेत्रको सहयोग आवश्यक छ ।’ रामलीला संचालन मुल आयोजक समितिका सचिव भगिरथ पाण्डेले सुदूरपश्चिमेलीको भाषा, धर्म, लोक संस्कृति संरक्षणका साथै समाजलाई सुसंस्कृत बनाउने उदेश्यले महोत्सव संचालन गर्न लागेको बताए ।
‘आधुनिकतासंगै हाम्रो मुल धर्म संस्कृति संस्कार हराउँदै गएको छ, ‘उनले भने, ‘समाजिक मुल्य मान्यताका साथै पुर्बिय चिन्तनको विकास गराउँनुपर्छ ।’ रामलीला महोत्सवका निर्देशन तथा सुदूरपश्चिम विश्वविद्यालयका प्राध्यापक डा।भुपेन्द्र सिह विष्टले नेपाली तथा सुदूरपश्चिमेली भाषामा महोत्सव मञ्चन गरिने बताए ।
‘हामीले महिला र पुरुषको भूमिकामा महिला÷पुरुष नै कलाकार तयार गरेका छौँ, ‘निर्देशक विष्टले भने, ‘यहाँ कुनै विभेद छैन ।’ रामलीला महोत्सवबाट सत्यको सदैव विजयी हुने मान्यतालाई पुष्टी गर्ने बताए ।
कञ्चनपुर रामलीला समितिका अध्यक्ष शमरजङ्ग बहादुर चन्दले सुदूरपश्चिमेलीको मुल धर्म, लोक संस्कृति संस्कारको प्रर्बद्धन एव पंचार प्रसारसंगै आपसी भाईचाराको भावना जागृत गराउने उदेश्यका लागि महोत्सव आयोजना गरिएको बताए ।
‘पछिल्ला बर्षहरुमा समाजमा भाईचार, आपसी बेमेलको अवस्था सृजना भईरहेको छ, ‘अध्यक्ष चन्दले भने, ‘समाजमा भाईचाराको भावना जागृत गराउने मुल उदेश्य हो ।’ कञ्चनपुर रामलीला समितिले नै कलाकारको तयारी गरेको बताउँदै उनले केही नयाँ र केही पुराना कालाकार रहेको बताए ।
कञ्चनपुर रामलीला समितिका महासचिव नरेन्द्रराज जोशीले ऐतिहासिक रामलीला महोत्सवमा सरोकारवाला क्षेत्रबाट आवश्यक सहयोग हुनुपर्नेमा जोडदिए । ‘जिल्लाको उत्तरी भेगमा यस अघि हल्दुखाल क्षेत्रमा रामलीला महोत्सव भएको थियो, ‘महासचिव जोशीले भने, ‘अहिले तिलाचौरमा भईरहेको छ, यो हाम्रा लागि सौभाग्य हो ।’
भीमदत्त नगरपालिका ८का वडाध्यक्ष मदनराज मिश्रले यस अघि बजार क्षेत्रमा हुने रामलीला महोत्सव गाँउमै हुन लागेको बताए । ‘विगतका बर्षहरुमा रामलीला महोत्सव बजारमा हुनेथिए, ‘अध्यक्ष मिश्रले भने, ‘आजभोली गाँउमै हुन लागेका छन, यो खुसीको कुरा हो ।’
वडाध्यक्ष मिश्रले वडाबाट महोत्सव सफल पार्नका लागि आवश्यक सहयोग गर्ने प्रतिबद्धा जाहेर गर्नुभयो । तिलाचौर क्षेत्र धार्मिक रुपमै ऐतिहासिक महत्व बोकेको क्षेत्र भएकाले रामलीला महोत्सवसंगै थप उचाईमा पृुग्ने अपेक्षा गरिएको छ । रामलीला महोत्सव २३ असोजसम्म संचालन हुनेछ ।
Discussion about this post