कञ्चनपुर – जिल्लामा बहुलाएको स्यालको टोकाइबाट दुईजना घाइते भएका छन् ।
मंगलबार बिहान स्यालले टोक्दा शुक्लाफाँटा नगरपालिकाको वडा नं ८ की ६० वर्षीया राजकुमारी चौधरी र वडा नं ९ का ४५ वर्षीय गोकर्ण चौधरी घाइते भएका हुन्।
‘आँगनमा फूलका बिरुवा रोप्दै गरेका बेला एक्कासी आएको स्यालले दाँया हात र दायाँ खुट्टामा टोकेर गहिरो घाउ बनायो’ राजकुमारीका श्रीमान् पल्टा चौधरीले भने, ‘आँगनमै लडाएर स्यालले टोक्न थालेपपछि श्रीमती चिच्याइन्। होहल्ला गरी स्याल भगायौँ।’
यसैगरी, गोकर्णलाई समेत स्यालले गोडामा टोकेर गहिरो घाउ बनाएको वडाध्यक्ष रमेश बहादुर ऐरले बताए । घाइते दुवै जनालाई उपचारका लागि महाकाली अस्पताल लगिएको छ। गोदावरी न्युज बाट सभार
Discussion about this post