कैलाली – जिल्लामा मोटरसाइकल एकआपसमा ठोक्किँदा एक जनाको ज्यान गएको छ । अन्य तीन जना घाइते भएका छन् ।
गएराति जिल्लाको गौरीगङ्गा नगरपालिका वडा नं ९ शंकरपुरमा साढे नौ बजेतिर सु.प.प्र.०१–००९ प.७८९१ र से.७ प.११४७ नम्बरको मोटरसाइकल एक आपसमा ठोक्किँदा से.७ प.११४७ नम्बरको मोटरसाइकलका चालक राम अवतार कठरियाको उपचारको क्रममा घोडाघोडी अस्पतालमा मृत्यु भएको हो ।
सोहि मोटरसाइकलमा सवार कैलारी ८ का २० वर्षीय आशिष कठरियाको नेपालगञ्ज मेडिकल कलेज शिक्षण अस्पताल कोहलपुरमा उपचार भइरहेको छ।
त्यस्तै, अर्का घाइते रोशन कठरियाको घोडाघोडी अस्पताल सुखडमा उपचार भइरहेको इलाका प्रहरी कार्यालय मसुरियाले जनाएको छ।
मोटरसाइकल दुर्घटनामा सु.प.प्र.०१–००९ प.७८९१ नम्बर चालक गौरीगङ्गा ९ शंकरपुरका २७ वर्षीय रमेश चौधरी घाइते भएको र उनको कैलाली अस्पताल धनगढीमा उपचार भइरहेको छ । गोदावरी न्युज बाट सभार
Discussion about this post