कैलालीमा बैशाख २७ गते राती १२ बजे देखी मादक पदार्थ बिक्री वितरण तथा सेवन गर्न रोक लगाइएको छ ।
जिल्ला प्रसाशन कार्यालय कैलालीले आसन्न स्थानीय तह निर्वाचन, २०७९ लाई स्वच्छ, निष्पक्ष, भयरहित र शान्तिपूर्ण रुपमा सम्पन्न गर्नका लागि निर्वाचन आचार संहितामा उल्लेख भए बमोजिम उक्त कार्य गरिएको जनाएको छ ।
यस्तै प्रसाशनले मतगणनाको अन्तिम परिणाम घोषणा नभएसम्म मादक पदार्थ बिक्री वितरण तथा सेवन गर्न निर्वाचन सुरक्षा (व्यवस्थापन) निर्देशिका, २०७८ को दफा ६ (थ) र स्थानीय प्रशासन ऐन, २०२८ को दफा ६ को उपदफा (३) को खण्ड (क) बमोजिम पूर्ण रुपमा निषेध गरिएको जनाएको छ ।
उक्त कार्यलाई वेवास्ता गरी बिक्री वितरण, सेवन गरे ÷ गराईएको पाईएमा प्रचलित ऐन कानून बमोजिम कारबाही गरिने पनि प्रशासनले प्रष्ट पारेको छ । गोदावरी न्युज बाट सभार