महेन्द्रनगर । नेकपा एमाले निकट नेपाल बुद्धिजीवी परिषद् कञ्चनपुरको अध्यक्षमा राजेन्द्र प्रसाद पाण्डेय चयन भएका छन् ।
शनिबार महेन्द्रनगरमा आयोजित परिषद्को १० औँ जिल्ला अधिवेशनबाट पाण्डेयको नेतृत्वमा १५ सदस्यीय समिति चयन गरिएको हो ।
समितिको उपाध्यक्षमा भवराज रेग्मी, सचिवमा उत्तम बिष्ट, सहसचिवमा चादनी पन्त र कोषाध्यक्षमा हरिश सामन्त चयन भएका छन् । यस्तै सदस्यहरुमा लालबहादुर चौधरी, अम्बिका प्रसाद खतिवडा, गणेश जोशी, भवान सिंह बिष्ट, धर्मानन्द भट्ट, दुर्गा कलौनी, नर्मदा जोशी, जनक बहादुर बिष्ट, बिन्देश्वरी चन्द र हर्षबहादुर चन्द चयन भएका छन् ।
पाण्डेयको अध्यक्षतामा सम्पन्न अधिवेशनको प्रमुख अतिथि नेकपा एमाले पोलिट् ब्यूरो सदस्य तथा सुदूरपश्चिम सहइन्चार्ज राजेन्द्र सिंह रावल, कञ्चनपुर इन्चार्ज निरुदेवी पाल एंवम् परिषद्का केन्द्रीय सदस्य तथा सुदूरपश्चिम इन्चार्ज हिरा चन्द विशिष्ट अतिथि रहेका थिए ।
कार्यक्रमको अवसरमा परिषद्को स्थापनाकालदेखि महत्वपूर्ण योगदान दिएका मनोरथ जोशी, हरिदत्त लेखक, स्व.बासुदेव भट्ट (भाइसाब), तुलाराम खरेल, बिरबहादुर चन्द, दिल्लीराज लेखक र नारायण घिमिरेलाई सम्मानित गरिएको थियो ।
परिषद्का सदस्य उत्तम बिष्टले सञ्चालन गरेको कार्यक्रममा सदस्य सुरेन्द्रराज ओझाले स्वागत मन्तव्य राखेका थिए । परिषद्को प्रगति प्रतिवेदन सहसचिव भवराज रेग्मीले प्रस्तुत गरेका थिए ।
कार्यक्रममा विभिन्न पेशा, व्यवसाय र क्षेत्रसंग सम्बन्धित १७५ जना बुद्धिजीवीहरुको सहभागीता रहेको थियो । दैनिक सञ्चार बाट सभार
Discussion about this post