अगामी चुनावमा एमालेलाई पहिलो पार्टी बनाउने गरी काम गर्नुस : एमाले सचिब लेखराज भट्ट
अगामी चुनावमा एमालेलाई पहिलो पार्टी बनाउने गरी काम गर्न नेकपा एमालेका सचिव तथा सुदूरपश्चिम इन्चार्ज लेखराज भट्टले कार्यकर्तालाई आग्रह गरेका छन् ।
आज एमालेको कैलाली जिल्ला अधिवेशनको उद्घाटन गर्दै एकताबद्ध भएर स्थानीय तह, प्रदेश र प्रतिनिधिसभा निर्वाचनमा पार्टीलाई पहिलो बनाउने गरी काम गर्न कार्यकर्तालाई आग्रह गरेका हुन् ।
एकता सबभन्दा ठूलो शक्ति भएको उल्लेख गर्दै उनले आन्तरिक एकताले नै आगामी चुुनावमा नेकपा एमालेले सबै पार्टीलाई बढार्छ भन्ने विश्वास लिएको बताए ।
उनले कैलालीका १३ वटा स्थानीय तह, १० वटा प्रदेशसभा निर्वाचन क्षेत्र र ५ वटा प्रतिनिधिसभा निर्वाचन क्षेत्रमा क्रियाशील भएर खटिनसमेत कार्यकर्तालाई आग्रह गरे । गोदावरी न्युज बाट सभार
