कञ्चनपुर – सशस्त्र प्रहरी बल नेपाल नं. ३५ गण हे.क्वा. शैलेश्वरी कञ्चनपुरका गणपति लोकेन्द्र देव भट्टले कञ्चनपुरको महेन्द्रनगरस्थित समाज कल्याण अञ्चल बाल अनाथालयमा खाद्यान्न तथा फलफूल सहयोग गर्नुभएको छ।
सामाजिक कार्यमा निरन्तर सक्रिय गणपति भट्टले सोमबार अनाथालयमा पुगेर खाद्यान्न र फलफूल वितरण गर्नुभएको हो। यो सहयोगले अनाथालयमा आश्रित बालबालिकाहरूको दैनिक आवश्यकता पूर्तिमा सहयोग पुग्ने विश्वास गरिएको छ।
गणपति भट्टले विगतका दिनहरूमा पनि सामाजिक क्षेत्रमा योगदान दिँदै आउनुभएको छ। आगामी दिनमा पनि सामाजिक कार्यलाई निरन्तरता दिने उहाँले प्रतिवद्धता गर्नुभएको छ।
उक्त कार्यक्रममा कञ्चनपुरका प्रमुख जिल्ला अधिकारी र जिल्ला प्रहरी कार्यालय कञ्चनपुरका प्रमुख समेत उपस्थित रहनुभएको थियो।
Discussion about this post