कञ्चनपुर – मौसम पूर्वानुमान महाशाखाका अनुसार आज (सोमबार) कोशी प्रदेशलगायत गण्डकी प्रदेशको पहाडी भूभागका केही स्थानमा मेघगर्जन र चट्याङसहित हल्कादेखि मध्यम वर्षाको सम्भावना रहेको छ। बाँकी प्रदेशका पहाडी क्षेत्रका एक-दुई स्थानमा पनि वर्षा हुन सक्ने अनुमान छ।
कोशी, बागमती, गण्डकी र कर्णाली प्रदेशका उच्च पहाडी तथा हिमाली भूभागमा एक-दुई स्थानमा हल्का वर्षा र हिमपातको सम्भावना रहेको महाशाखाले जनाएको छ।
हाल देशको मौसममा स्थानीय वायु र पश्चिमी वायुको आंशिक प्रभाव रहेको छ। कोशी प्रदेशलगायत पहाडी भूभागमा आंशिक बदली रहे पनि बाँकी क्षेत्रमा मौसम मुख्यतया सफा छ।
महाशाखाले चट्याङ र मेघगर्जनको जोखिमलाई मध्यनजर गर्दै सतर्कता अपनाउन सर्वसाधारणलाई आग्रह गरेको छ।
Discussion about this post