तौल घटाउन कसरी खाने अम्बा ? विशेषज्ञबाट सही तरिका सिक्नुहोस्

अम्बा धेरैलाई मनपर्ने फल हो । सजिलै पाइने यो फललाई गरिबको स्याउ पनि भनिन्छ । मानिसहरू यसलाई विभिन्न तरिकाले खान रुचाउँछन् । वाकवाकी लाग्नेदेखि पाचन सम्बन्धी समस्यासम्मका लागि अम्बाको सेवन लाभदायी मानिन्छ । तर अम्बा खाएर तौल पनि घटाउन सकिन्छ भन्ने तपाईंलाई थाहा छ ? अम्बामा पाइने आवश्यक गुण तौल घटाउनमा पनि प्रभावकारी हुन सक्छ । तर यसका लागि अम्बालाई सही तरिकाले खानुपर्छ । यो लेख मार्फत तौल घटाउन अम्बाको सेवन कसरी गर्ने भन्ने बारे जानौँ ।

तौल घटाउन अम्बा कसरी प्रभावकारी ?

अम्बामा क्यालोरीको मात्रा एकदमै कम हुन्छ । एउटा अम्बामा ३७ देखि ५५ क्यालोरी मात्र पाइन्छ । यसबाहेक अम्बा खाँदा लामो समयसम्म भोक लाग्दैन, त्यसैले पनि यो तौल घटाउनका लागि उत्तम विकल्प हुन सक्छ ।

अम्बामा फाइबर र प्रोटिन प्रचुर मात्रामा पाइन्छ, जसका कारण यसलाई राम्रोसँग पचाउन समय लाग्छ । फाइबरका कारण, यसले शरीरको मेटाबोलिजमलाई बढाउँछ र तौल घटाउन मद्दत गर्छ ।

तौल घटाउनको लागि अम्बा कसरी खाने ?

अम्बा खाँदा यसको बोक्रा पनि खानुहोस् । किनभने यसको बोक्रामा आवश्यक तत्त्वहरू पाइन्छन्, जुन पाचनका लागि आवश्यक हुन्छ ।

अम्बाको स्मूदी

अम्बाको स्मूदी पिउनाले तपाईंलाई लामो समयसम्म भोक लाग्दैन । यसका लागि २ वटा अम्बा र ४ वटा स्ट्रबेरीलाई मिक्सचर जारमा राख्नुहोस् । यसका साथै यसमा २ चम्चा मह र १ कप दूध पनि मिसाउनुहोस् । ग्राइन्ड गरेर स्मूदी तयार गर्नुहोस् र यसको मजा लिनुहोस्।

अम्बा र पुदिनाको जुस

अम्बा र पुदिनाको जुस बनाउन २ वटा अम्बालाई मिक्सचर जारमा राख्नुहोस् । आधा काँक्रो, केही पुदिनाका पात, २ चम्चा कागतीको रस र स्वाद अनुसार बिरे नुन हाल्नुहोस् । सबै कुरा मिसाउनुहोस् र एक गिलास पानी थपेर जुस तयार पार्नुहोस् ।

अम्बाको अचार

अम्बाको अचार तयार गर्न, २५० ग्राम अम्बालाई मसिनो गरी काट्नुहोस् । अब १ चम्चा कागतीको रस, अलिकति धनियाँको पात, २ वटा हरियो खुर्सानी र स्वाद अनुसार नुन हाल्नुहोस् । यसमा अलिकति पानी हालेर पिस्नुहोस् । तपाईंको अम्बाको अचार तयार भयो ।

अम्बालाई यसरी खाँदा लामो समयसम्म भोक लाग्दैन । त्यसैले तपाईंले यसलाई आफ्नो वेट लस डाइटमा पनि समावेश गर्न सक्नुहुन्छ । रातोपाटी बाट साभार