कञ्चनपुर । राष्ट्रिय हस्तलेखन प्रतियोगिता च्यापिएन भएकी आयुषा खडायतलाई सार्क स्कुलले सम्मान गरिएको छ । भीमदत्त नगरपालिका ४ महेन्द्रनगर स्थित सार्क एजुकेसन फाउन्डेसन (सार्क स्कुल) मा कक्षा ९ मा अध्ययनरत छात्रा खडायतलाई मङ्गलवार एक कार्यक्रमका बिच सम्मान गरिएको फाउन्डेसनका प्रमुख कार्यकारी अधिकृत डा. लक्ष्मण बस्नेतले जानकारी दिनुभएको छ।
खडायतलाई प्रमाण पत्रका सहित सम्मान गरिएको छ । विद्यालयले आयोजना गरेको उद्यमशिला र स्टार्टअप संस्कृतिको विकास बारे आयोजित अन्तरक्रिया कार्यक्रममा खडायतलाई प्रमुख अतिथि समेत रहेका कर्णाली प्रदेश प्रमुख यज्ञराज जोशी तथा फाउन्डेसनका प्रमुख कार्यकारी अधिकृत डा. लक्ष्मण बस्नेतले आयुषालाई प्रमाण पत्र हस्तान्तरण गर्नुभएको हो।
यसै गरी कार्यक्रममा विद्यालयले रोबटिक्स प्रतीक जोशी, करन सिंह ठगुन्ना र जानकी न्यौपानेलाई पनि सम्मान गरिएको छ । पुस ६ गते काठमाण्डौँमा सम्पन्न भएको राष्ट्रिय हस्तलेखन प्रतियोगितामा सार्ककी छात्रा आयुषा खडायत प्रथम भएकी थिइन् । बाल विकास एनसिएमएएस प्रांईभेट लिमिटेडले आयोजना गरेको उक्त हस्तलेखन प्रतियोगितामा देशभरबाट झन्डै साढे ५ हजार भन्दा बढी प्रतिस्पर्धी उछिन्दै खडायत प्रथम भएकी थिइन् ।
व्यवसायका सिलसिलामा दार्चुलादेखि कञ्चनपुरको भीमदत्त नगरपालिका ४ महेन्द्रनगर क्याम्पस रोडमा आयुषाका बुबा दिनेश खडायत र आमा सुशीला धामी (खडायत) ले न्यु चौलानी बुक्स एण्ड स्पोर्ट सेन्टर संचालन गर्दै आउनुभएको छ।
महेन्द्रनगर स्थित सार्क स्कुल कक्षा ९ मा अध्ययनरत छात्रा आयुषाले विगतदेखि हस्तलेखनमा रुचि राख्दै आएकी छिन् । स्थानीय स्तरमा हुने प्रतियोगिता समेत सहभागी हुने आयुषा यस पटक राष्ट्रिय स्तरकै प्रतियोगितामा सहभागी भएकी थिइन् ।
उनले आफ्नो सानै देखिको रुचि हस्तलेखन भएको बताउँदै आजको सफलताको पछाडि आफू, अभिभावक, घर परिवार, विद्यालय समाज भएको बताएकी छिन् ।
नेपालमा बिरलै हुने हस्तलेखन प्रतियोगितामा सुदूरकी चेली आयुषा राष्ट्रिय स्तरको हस्तलेखन प्रतियोगिताको च्यापिएन बनेपछि यहाँका जनता समेत हर्षित भएका छन् । आयुषाका अभिभावकले विद्यालयदेखि आयोजकदेखि सरोकारवाला निकायमा हार्दिक आभार प्रकट गरेका छन् ।
Discussion about this post