कञ्चनपुर – जिल्लाको भीमदत्त नगरपालिका १५ खैरभट्टीमा रहेको लक्ष्मी माध्यामिक विद्यालयको ४४औँ बार्षिकोत्सव कार्यक्रम सम्पन्न भएको छ । शनिबार एक कार्यक्तमका विच विद्यालयले बार्षिकोत्सव तथा अभिभावक दिवस मनाएको हो । विद्यालय व्यवस्थान समितिका अध्यक्ष बीरेन्द्र साउदको सभापतित्व तथा सुदुरपश्चिम प्रदेश समानुपातिक सदस्य मधु भारतीको प्रमुख आतिथ्यमा कार्यक्रम सम्पन्न भएको हो। उक्त कार्यक्रममा प्रदेश सभा सदस्य हिरा सार्की, जिल्ला समन्वय समिति कञ्चनपुरका प्रमुख दुर्गा बोहरा, खेलकुद विकास समिति कञ्चनपुरका उपाध्यक्ष कैलाशचन्द्र गिरीको बिशिष्ट आतिथ्य रहेको थियो।
बार्षिकोत्सव कार्यक्रममा विद्यालयका प्रद्यानाध्यापक प्रकाश चन्दले विद्यालयको बार्षिक प्रगति प्रतिवेदन प्रस्तुत गर्दै आगामी दिनमा शैक्षिक गुणस्तरमा जोड दिने समेत बताए । कार्यक्रममा बोल्दै विद्यालय व्यवस्थापन समितिका अध्यक्ष बिरेन्द्र सिह साउदले ग्रामिण भेगको सामुदायिक विद्यालयको बृद्धि विकासका लागि स्थानीय, प्रदेश र संघीय जनप्रतिनिधीको ध्यानाकर्षण गराएका थिए ।
कार्यक्रममा विद्यालयको बृद्धि विकासमा योगदान पु¥याउने विभिन्न व्यक्तित्वहरुलाई सम्मान तथा विद्यालयले संचालन गरेको आन्तरिक प्रतियोगिताका उत्कृष्ट विद्यार्थीहरुलाई पुरस्कृत समेत गरिएको विद्यालय व्यवस्थान समितिका अध्यक्ष बीरेन्द्र साउदले बताए । कार्यक्रममा बोल्दै जनप्रतिनिधीले विद्यालयको बृद्धि विकासका बचन दिएका छन । कार्यक्रममा शिक्षक, जनप्रतिनिधि, पत्रकार, अभिभावक, विद्यार्थी सहितको भब्य सहभागिता रहेको थियो। उक्त कार्यक्रमको सञ्चालन विद्यालयका शिक्षक लोकराज जोशीले गरेका हुन्। कार्यक्रममा विभिन्न साँस्कृतिक कार्यक्रम समेत प्रस्तुत गरिएको थिए।
Discussion about this post