चीनको गुइयांग शहरमा एक अनौठो घटना सार्वजनिक भएको छ । त्यहाँकी एकजना युवती आफ्नो पेट दुखेको भनेर अस्पतालमा भर्ना भइन् । उनको पेटको उपचारका क्रममा जे भयो त्यो सायद दुनियामै पहिलोपटक भयो ।
जब ती युवतीको अस्पतालमा चेकजाँच भयो, तबमात्र उनलाई आफू गर्भवती भएको थाहा भयो । डाक्टरहरुले सुरुमा उनी गर्भवती भएको भन्दा त उनले पत्याइनन् । ती युवतीले आफूले कहिल्यैपनि कोही पुरुषसँग सम्भोग नगरेको दाबी गरिन् । आफ्नो कुनैपनि ब्वायफ्रेण्ड नभएको र आफू पूर्णरुपमा कुमारी भएको दाबी उनको थियो । आफू कुमारी रहेको दाबी गर्दागर्दै उनको बच्चा पनि जन्मियो । यो घटना फेब्रुअरी १५ को हो ।
ती युवतीको आफू भर्जिन नै भएको दाबीपछि डाक्टरहरु पनि अचम्ममा परे । कतै मादक पदार्थको नशामा यौन सम्बन्ध कायम गरिएको पो थियो कि ? भनेर सोधे । तर ती युवतीले त आफूलाई रक्सीको एलर्जी भएकाले कहिल्यै रक्सी नै नछुने बताइन् ।
ती युवती शिक्षित युवती भएको हुँदा कसैले ललाइ फकाइ बलात्कार गरेको सम्भावना पनि थिएन ।
![Mahakali Polytechnic](https://sudurpashimkhabar.com/wp-content/uploads/2024/08/Mahakali.gif)
पेटमा बच्चा हुँदाहुँदै युवतीले आफू भर्जिन नै भएको र कसैसँग सेक्स नै नगरेको जिद्धी गर्दै आफ्नो कुमारित्वको परीक्षण गर्न माग गरिन् ।
अन्ततः डाक्टरहरुले उनलाई सम्झाउन भरमग्दुर प्रयास गरेसँगै उनको शल्यक्रिया गरी बच्चा निकालियो ।
![Sana Kishan](https://sudurpashimkhabar.com/wp-content/uploads/2021/01/Sana-Kishan-scaled.jpg)
तर खडा भयो अर्को समस्या । ती युवतीले आफूले जन्माएको छोराको जिम्मा नलिने र आफू त्यो बच्चा पाल्न तयार नरहेको बताउन थालिन् । युवतीको त्यस्तो अनौठो व्यवहार पछि अस्पतालले नवजात शिशुलाई ती महिलाका बुवा-आमालाई सुम्पिएको छ ।
– एजेन्सी
![Dirghayu Ads](https://sudurpashimkhabar.com/wp-content/uploads/2024/06/Dirghayu.gif)