के तपाई रातमा पर्याप्त निन्द्रा लिन सक्नुहुन्न ? ओछ्यानमा पल्टिएपछि दिनभरको घटनाक्रमले निन्द्रा बिथोलिन्छ ? राम्रो निन्द्रा नलाग्नको कारण जुन कुण्ठा पैदा हुन्छ, त्यसले तपाईलाई दुखी तुल्याउछ ।
एक व्यक्तिले दिनमा कति घण्टा सुत्नुपर्छ ? सबैमा एकैखाले नियम लागु हुदैन । कसैको निन्द्रा ४ घण्टामा पुरा हुन्छ, कसैको ८ घण्टामा । यद्यपी सामन्यत एक व्यक्तिले दैनिक ७ देखि ८ घण्टासम्म सुत्नुपर्ने विज्ञहरुको सुझाव छ ।
तपाई कति घण्टा सुत्नुभयो ? त्यो महत्वपूर्ण कुरा होइन । बरु, उठेपछि तपाईले ताजा, हल्का र तन्दुरुस्त महसुष गर्न सक्नुपर्छ ।
– ओछ्यानमा जानु १ घण्टाअघि कम्प्युटर एवं टेलिभजन बन्द गरौं ।
![Mahakali Polytechnic](https://sudurpashimkhabar.com/wp-content/uploads/2024/08/Mahakali.gif)
– त्यसबेला मात्र सुत्न जानुहोस्, जब निन्द्रा लाग्छ । यसले गर्दा ओछ्यानमा पल्टिसकेपछि पनि जागै बस्नुपर्ने हुदैन ।
– यदि ओछ्यानमा पल्टिएको २० मिनेटसम्म पनि निन्द्रा लागेन भने उठेर यस्तो काम गर्नुहोस्, जो अल्छी लाग्ने होस् ।
![Sana Kishan](https://sudurpashimkhabar.com/wp-content/uploads/2021/01/Sana-Kishan-scaled.jpg)
– दिनमा नसुतौ । यदि सुत्नैपर्ने बानी भए केवल आधा घण्टा मात्र सुतौं ।
– सुत्ने र उठ्ने समय तालिका नियमित गरौं । यसले निन्द्राको चक्र नियमित हुन्छ ।
– ओछ्यानमा जानुअघिको ४ देखि ६ घण्टा पहिला कफी, मदिरा र निकोटिनको प्रयोग नगरौं । कफी र निकोटिन उत्तेजक पदार्थ हो ।
– रातको खाना खाइसकेपछि हल्काफुल्का काम गरौं ।
– गर्मीको मौसममा सुत्नुअघि चिसो पानीले नुहाउनुहोस् ।
– खाली पेट वा धेरै खानेकुरा खाइएको छ भने पनि राम्रो निन्द्रा लाग्दैन । त्यसैले सहि मात्रामा मात्र भोजन लिनुपर्छ ।
– सुतेको समयमा फोनमा कुराकानी गर्ने वा रिसाएर कुरा गर्नाले पनि निन्द्रा भाग्छ ।
– सुत्नुअघि हरेक किसिमको तनाव त्यागौं । अनलाइनखबर बाट सभार
![Dirghayu Ads](https://sudurpashimkhabar.com/wp-content/uploads/2024/06/Dirghayu.gif)