बैतडीको मेलौली नगरपालिकामा गाउँ गाउँमा गएर सामाजिक सुरक्षा भत्ता वितरण भइरहेको छ । नगरपालिका र मेलौलीमा रहेको एनसीसी बैंकको शाखाले बुधबारबाट गाउँ टोलमा गएर सामाजिक सुरक्षा भत्ता वितरण गरिरहेको हो ।
वृद्ध वृद्धा तथा अपाँगता भएका नागरिकहरुको सहजताका लागि बैँक संग सहकार्य गरेर गाउँ गाउँमा गएर सामाजिक सुरक्षा भत्ता वितरण भइरहेको मेलौली नगरपालिकाक नगर प्रमुख भिम बहादुर चन्द (भुकम्प)ले जानकारी दिए ।
वर्षादको समयमा स्तरिय बाटो नभएका कारण आवत जावत गर्न पनि समस्या भएका बेला उनिहरुलाई केहि राहत पुगोस भनेर गाउँ गाउँमा जाने निर्णय गरेका उनको भनाई छ । सामाजिक सुरक्षा भत्ता वितरणमा जनप्रतिनिधि ,नगर प्रमुख चन्द ,एनसीसी बैंक मेलौली शाखाका प्रबन्धक महेन्द्र बहादुर चन्द, र कर्मचारि खटिएका छन् ।
यसरि मेलौली नगरपालिकाले गाउँ गाउँमा गएर भत्ता दिन थालेपछि नागरिकहरु पनि खुसि भएका छन् । वर्षादको समयमा गाउँ–गाउँमा गएर भत्ता वितरण गर्ने कार्य प्रशंसनिय रहेको स्थानीय महेश पन्तले बताए ।
नगर सरकारले सामाजिक सुरक्षा वितरणको सन्दर्भमा सहि निर्णय गरको उनको भनाई छ । वडा नं १ को जर्केु टोलबाट सामाजिक सुरक्षा भत्ता वितरण गर्ने कार्यको शुभारम्भ गरिएको र यो अभियान सबै वडामा लागु हुने मेलौली नगरपालिका वडा नं ८ का वडा अध्यक्ष तपेन्द्र जंग विष्टले बताए । सगुन खबर बाट सभार
Discussion about this post