दाइजो बोकेको जीप दुर्घटना हुँदा कञ्चनपुरमा ३ जना घाइते

कञ्चनपुर – जिल्लामा विवाहको दाइजो बोकेको जीप दुर्घना हुँदा तीन जना घाइते भएका छन्। दुर्घटनामा घाइते हुनेमा कैलालीको कैलारी गाउँपालिका १ का ४० वर्षीय धनिराम चौधरी, ४२ वर्षीय रामलाल चौधरी र ४६ वर्षीय भर्खरे चौधरी घाइते भएका प्रदेश ट्राफिक प्रहरी कार्यालय अत्तरीयाले जनाएको छ।

आइतबार राति पुनर्वास नगरपालिका ११ मा बेलौरीबाट मसुरीयातर्फ जाँदै गरेको सुपप्र ०१००१ च २९२६ नम्बरको पिकअप जीप दुर्घटना भएको प्रहरीले बताएको छ।

प्रहरीका अनुसार जीप आफै अनियन्त्रित भई पल्टिन गएको हो। उनीहरु तीनै जनाको धनगढीस्थित माया मेट्रो अस्पतालमा उपचार भइरहेको र अवस्था सामान्य रहेको बताइएको छ। गोदावरी न्युज बाट सभार