अस्ट्रेलियामा जारी एसेस सिरजअन्तर्गत अस्ट्रेलिया र इङल्यान्डबिचको चौथो टेस्ट बराबरीमा सकिएको छ।
चौथो टेस्टको अन्तिम दिन जितका लागि इङल्यान्डलाई ३५८ रन आवश्यक थियो भने अस्ट्रेलियालाई १० विकेट लिनुपर्ने थियो।
यस्तोमा इङल्यान्ड ९ विकेट गुमाएर २७० रनमा अविजित रहेपछि खेल रोमाञ्चक बराबरीमा सकिएको हो।
पराजय उन्मुख इङल्यान्डलाई स्टुआर्ट ब्रड र जेम्स एन्डरसनले जोगाउँदै खेल बराबरीमा पु¥याए। दोस्रो इनिङमा इङल्यान्डलाई ३८८ रनको लक्ष्य दिएको थियो।
चौथो दिन ३० रन बनाएर अविजित फर्किएको अन्तिम दिन भने ९ विकेट गुमाएर २७० रनमा अविजित रह्यो।
एक समय इङल्यान्ड २१६ मा ५ विकेटको अवस्थामा थियो तर ८६ औँ ओभरमा प्याट कमिन्सले दुई बलमा २ विकेट लिँदै खेल अस्ट्रेलियाको पक्षमा पारे। तर प्याट कमिन्सको ओभरको चौथो बलमा बटलर ११ रनमा एलबिडब्लु हुँदा अन्तिम बलमा मार्क वुड शून्य रनमा आउट भए।
ब्यारिस्टो पनि स्कट बोल्यान्डद्वारा आउट भए। तर त्यसपछि स्टुअर्ट ब्रड र ज्याक लिचले थप ५२ बलसम्म कुनै विकेट दिएनन् र खेल रोमाञ्चक अवस्थामा पु¥याए।
यो जोडीको साझेदारी तोड्न स्टिव स्मिथ सफल भएका थिए। लिच आउट हुँदा २ ओभरको खेल बाँचेको थियो। अस्ट्रेलियालाई केवल १ विकेट चाहिएको थियो।
तर ब्रड र एन्डरसनले विकेट बचाउँदै टोलीलाई हारबाट जोगाए। ब्रडले ३५ बलमा ८ रन बनाउँदा एन्डरसनले ६ बल खेलेका थिए।
इङल्यान्डका लागि ज्याक क्रउलीले सर्वाधिक ७७ रन बनाउँदा बेन स्टोक्सले ६० रनको अर्धशतकीय इनिङ खेले।
जोनी ब्यारिस्टोले ४१ रन बनाउँदा ज्याक लिचले २६ रन तथा जोस बटलरले ११ रन बनाए। ५ खेलको एसेस सिरिज यसअघि नै अस्ट्रेलियाले ३–० ले जितेको थियो। थाहा खबर बाट सभार
Discussion about this post