फिफा विश्वकप फुटबलमा अस्ट्रियाले जोर्डनलाई ३–१ गोल अन्तरले पराजित गरेको छ।
सान फ्रान्सिस्को बे एरिया स्टेडियममा भएको खेलमा अस्ट्रियाले २१औँ मिनेटमा रोमानो स्मिडको गोलबाट अग्रता बनाएको थियो।
५०औँ मिनेटमा अली ओलवानले जोर्डनका लागि बराबरी गोल फर्काउँदै विश्वकपमा टोलीको पहिलो गोल गरेका थिए। तर ७६औँ मिनेटमा याजन अल-अरबको आत्मघाती गोलबाट अस्ट्रिया पुनः अग्रता लिन सफल भयो।
त्यसपछि इन्जुरी समयमा मार्को अर्नाटोभिकले पेनाल्टीमार्फत गोल गर्दै अस्ट्रियाको जित ३–१ मा सुनिश्चित गरे।
यो जितसँगै समूह ‘जे’ मा रहेको अस्ट्रियाले महत्वपूर्ण ३ अंक जोडेको छ।
यसैबीच, विश्वकपमा आज राति पौने ११ बजे पोर्चुगल र कङ्गोबीच खेल हुने तालिका रहेको छ।
Discussion about this post