काठमाडौं । आज मंसिर १ गते राष्ट्रिय कर दिवस विभिन्न कार्यक्रम आयोजना गरी मनाइँदै छ। यस वर्ष ‘कर न्याय र सुशासनको सुनिश्चितता : समृद्धिमा नागरिक सहभागिता’ भन्ने नाराका साथ दिवस मनाउन लागिएको हो।
दिवसका अवसरमा प्रधानमन्त्री बालेन्द्र शाहले शुभकामना व्यक्त गर्दै कर राज्य सञ्चालनको स्रोत जुटाउने माध्यम मात्र नभई सामाजिक न्याय, विकास पूर्वाधार र आत्मनिर्भर अर्थतन्त्र निर्माणको महत्वपूर्ण आधार भएको बताएका छन्।
उनले वस्तु तथा सेवाको खरिदबिक्री गर्दा अनिवार्य रूपमा बिल लिने र दिने संस्कारलाई प्रोत्साहन गर्न सरकारले करदाता प्रोत्साहन उपहार कार्यक्रम सञ्चालन गरेको उल्लेख गरेका छन्।
त्यस्तै, अर्थमन्त्री डा. स्वर्णिम वाग्लेले राष्ट्रिय कर दिवसले समृद्ध र आत्मनिर्भर अर्थतन्त्र निर्माणका लागि सबैलाई प्रेरणा प्रदान गर्ने विश्वास व्यक्त गरेका छन्।
आन्तरिक राजस्व विभागले हरेक वर्ष मंसिर १ गते राष्ट्रिय कर दिवस मनाउँदै आएको छ। दिवसले करको महत्वबारे नागरिकमा सचेतना बढाउनुका साथै जिम्मेवार कर प्रणालीको विकासमा सहयोग पुर्याउने अपेक्षा गरिएको छ।










Discussion about this post