राष्ट्र बैंकको सञ्चालक समिति सात सदस्यीय नै राख्न अर्थ मन्त्रालयको प्रस्ताव

अर्थ मन्त्रालयले नेपाल राष्ट्र बैंकको सञ्चालक समितिको आकार पूर्ववत सात सदस्यीय नै कायम राख्न उपयुक्त हुने प्रस्ताव गरेको छ।

अर्थ समितिको बैठकमा अर्थ सचिव डा. घनश्याम उपाध्यायले हालको सात सदस्यीय संरचना नै प्रभावकारी हुने र दुई जना डेपुटी गभर्नर पर्याप्त रहेको बताए। साथै, नियुक्त हुने तीन सदस्यमध्ये एक जना महिला अनिवार्य गर्ने व्यवस्था गर्न सकिने धारणा पनि मन्त्रालयले राखेको छ।