राष्ट्रिय स्वतन्त्र पार्टी (रास्वपा) ले पार्टीलाई डिजिटल बनाउने उद्देश्यसहित विकास गरिएको ‘पल्स आरएसपी’ डिजिटल प्लेटफर्मबारे जानकारी दिन संसदीय दलको बैठक आयोजना गरेको छ।
सिंहदरबारस्थित रास्वपा संसदीय दलको कार्यालयमा शुक्रबार सुरु भएको बैठकमा प्रतिनिधिसभा सदस्यहरूलाई उक्त डिजिटल प्रणालीबारे विस्तृत जानकारी दिइँदै साइबर सुरक्षासम्बन्धी सचेतना प्रदान गरिने जनाइएको छ।
बैठकमा पार्टी सभापति रवि लामिछाने पनि सहभागी भएका छन्।
रास्वपाले सांसदहरूको गतिविधि व्यवस्थापन, भेटघाट, संसदमा उठाउने विषय तथा निर्वाचन क्षेत्रका कार्यक्रमलाई डिजिटल रूपमा अभिलेखीकरण गर्ने उद्देश्यले ‘पल्स आरएसपी’ प्रणाली विकास गरेको जनाएको छ।
Discussion about this post