अमेरिकी राष्ट्रपति डोनाल्ड ट्रम्प ले इरानसँग युद्ध अन्त्यसम्बन्धी सहमतिमा हस्ताक्षर भइसकेको र यसको विस्तृत विवरण छिट्टै सार्वजनिक हुने बताएका छन्।
जी–सेभेन सम्मेलनका क्रममा फ्रान्सका राष्ट्रपति इमानुएल म्याक्रों सँगको कुराकानीमा ट्रम्पले यो सम्झौताप्रति खुशी व्यक्त गर्दै यसले क्षेत्रीय शान्तिमा सकारात्मक प्रभाव पार्ने विश्वास व्यक्त गरेको बीबीसीले जनाएको छ।
सम्झौता अनुसार औपचारिक हस्ताक्षर जेनेभामा भइसकेको र होर्मुज जलमार्ग पुनः खुला हुने व्यवस्था गरिएको बताइएको छ। साथै इरानको परमाणु कार्यक्रमबारे प्राविधिक वार्ता पनि यसै हप्ता सुरु हुने उल्लेख छ।
अमेरिकी उपराष्ट्रपति जे. डी. भान्स का अनुसार सम्झौताको प्रारूप करिब डेढ पृष्ठ लामो छ र इरानले क्षेत्रीय शान्ति तथा स्थिरताप्रति प्रतिबद्धता जनाएको छ। इरानले परमाणु अस्त्र नबनाउने आधिकारिक प्रतिबद्धता गर्ने विषय पनि सम्झौतामा समावेश रहेको बताइएको छ।
सम्झौता अनुसार दुवै पक्षले थप ६० दिनसम्म युद्धविराम कायम राख्नेछन् भने बाँकी विषयहरू सोही अवधिमा टुङ्गो लगाइनेछ। यद्यपि इजरायल र इरान समर्थित हिज्बुल्लाहबीचको द्वन्द्व भने अझै जारी रहेको खबरमा उल्लेख छ।
Discussion about this post