काठमाडौं । वर्षाले प्रभावित टी(२० आई सिरिजको पहिलो खेलमा नेपाल यूएईसँग ६ विकेटले पराजित भएको छ । त्रिभुवन विश्वविद्यालय क्रिकेट मैदानमा सोमबार भएको खेलमा नेपालले पहिले ब्याटिङ गर्दै १८ ओभर ५ बलमा ८ विकेट गुमाएर १२२ रन बनाएको थियो । त्यसपछि वर्षा भएर खेल रोकिएपछि डकवर्थ–लुइस ९डीएल० मेथड अनुसार यूएईलाई १० ओभरमा ७८ रनको संशोधित लक्ष्य दिइयो ।
यूएईले उक्त लक्ष्य ८ ओभर ५ बल ९७ बल बाँकी० मा मात्र ४ विकेट गुमाएर पूरा गर्यो । यूएईका कप्तान मोहम्मद वासिमले सर्वाधिक ३३ रनको योगदान दिए भने अलीशान शराफूले १८ रन जोडे । नेपालका लागि सन्दीप लामिछानेले ३ विकेट लिए भने कुशल मल्लले १ विकेट हात पारे ।
नेपालको इनिङ्समा कप्तान दीपेन्द्र सिंह ऐरीले ३२ रन बनाए भने सन्दीप लामिछाने २ रनमा अविजित रहे । अन्य ब्याट्सम्यानहरूमा कुशल भुर्तेल १६, कुशल मल्ल १७, बसिर अहमद १४, अर्जुन साउद १३, नन्दन यादव १३ र सन्दीप जोरा ६ रनमा आउट भए ।
यूएईको बलिङमा मुहम्मद जुहेबले ३ विकेट लिए भने जुनैद सिद्दिकीले २ विकेट हात पारे । साएद हैदर र मुहम्मद अरफानले १–१ विकेट लिए । यो हारसँगै दुई खेलको सिरिजमा यूएईले १(० को अग्रता बनाएको छ । दोस्रो तथा निर्णायक टी(२० आई खेल मंगलबार ९फागुन ८ गते० सोही मैदानमा हुनेछ ।
यस खेलमा वर्षाले नेपालको राम्रो सुरुवातलाई प्रभावित बनाएको देखिन्थ्यो । नेपालले टस जितेर ब्याटिङ रोजेको थियो तर मध्यम स्कोरमा अल्झिन पुगेको थियो । यूएईले छोटो इनिङ्समा लक्ष्य भेटाउन निकै अनुशासित बलिङ र ब्याटिङ प्रदर्शन गर्यो ।
Discussion about this post