काठमाडौं : जिल्ला प्रशासन कार्यालय मकवानपुरले हेटौंडा-काठमाडौं जोड्ने दुई महत्त्वपूर्ण सडकमा आजदेखि तीन दिनसम्म रात्रिकालीन सवारी सञ्चालनमा रोक लगाएको छ। सम्भावित भारी वर्षा र पहिरोको जोखिमलाई मध्यनजर गर्दै जिल्लामा विपद्को कारणबाट हुन सक्ने जनधनको क्षति कम गर्न असोज २० गतेसम्मका लागि राति यातायात पूर्ण रूपमा बन्द गरिएको मकवानपुरका प्रमुख जिल्ला अधिकारी स्किम श्रेष्ठले जानकारी दिए।
उनका अनुसार बेलुका ४ बजेदेखि बिहान ६ बजेसम्म कान्तिलोकपथ हुँदै हेटौंडाबाट ललितपुरतर्फ र बेलुका ५ बजेदेखि बिहान ६ बजेसम्म हेटौंडाबाट भैंसे हुँदै, काठमाडौं तर्फ जाने सवारी साधनलाई रोक लगाइएको हो।
जल तथा मौसम विज्ञान विभागले असोज १७ देखि २० गतेसम्म भारी वर्षाको पूर्वानुमान गरेको छ। विभागले उक्त अवधिमा अत्यावश्यक कामबाहेक लामो दूरी र रातको समयमा यात्रा नगर्न सर्वसाधारणलाई अपिल गरेको छ। अन्नपूर्ण
Discussion about this post