महेन्द्रनगर । कञ्चनपुरको भीमदत्त नगरपालिका ३ भासीमा रहेको महाकाली मोडर्न पब्लिक स्कुलले दशैं र तिहारको अवसरमा विशेष कार्यक्रम सम्पन्न गरिएको छ । विद्यालय परिवारका विद्यार्थी, शिक्षक, अभिभावक हरुको उपस्थितिमा कार्यक्रम उत्साहपूर्ण वातावरणमा सम्पन्न भएको हो ।
कार्यक्रमको सभाध्यक्षमा विद्यालयका संस्थापक प्रिन्सिपल दिजराज भट्ट रहनु भएको थियो भने, प्रमुख अतिथीमा विद्यालयका संस्थापक अध्यक्ष हर्क बहादुधामी रहनु भएको थियो । विद्यार्थीहरूले दशैं र तिहारसँग सम्बन्धित विभिन्न गीत, नृत्य, हरु प्रस्तुत गर्दै सांस्कृतिक विविधता झल्काएका थिए ।
कार्यक्रममा विशेषगरी कक्षा ९ देखी १२ कक्षाका विद्यार्थीहरूले देवी नृत्य र देउसी–भैलो प्रस्तुत गर्दा उपस्थित दर्शकहरू रोमाञ्चित बनेका थिए ।कार्यक्रमका सभाध्यक्ष एवम संस्थापक प्रिन्सिपलले कार्यक्रमलाई सम्बोधन गर्दै दशैं र तिहार नेपाली संस्कृतिको अभिन्न हिस्सा भएको उल्लेख गर्दै विद्यार्थीहरूलाई पर्वका वास्तविक मूल्य, परम्परा र संस्कारबारे सचेत रहन आग्रह गरे ।
साथै, उनले यस्ता कार्यक्रमहरूले विद्यार्थीमा आत्मविश्वास र प्रतिभा विकासमा महत्वपूर्ण भूमिका खेल्ने बताए । “दशैं र तिहार हाम्रो संस्कृतिको जरा र पहिचान हो। यी पर्वहरूले परिवार, समाज र राष्ट्रलाई एकताको सूत्रमा बाँध्ने काम गर्छन्। दशैंले सत्यको विजय र असत्यको पराजयको सन्देश दिन्छ भने तिहारले दाजुभाइ र दिदीबहिनीबीचको माया र सम्मानलाई अझ प्रगाढ बनाउँछ ।
“यी पर्वहरू रमाइलो मात्र नभई शिक्षा, संस्कार र आपसी सद्भावको पाठ सिकाउने अवसर पनि हुन्। हामी सबैले पर्व मनाउँदा सुरक्षा र अनुशासनलाई ध्यान दिनुपर्छ । म सम्पूर्ण विद्यार्थी, अभिभावक, शिक्षक तथा स्थानीय समुदायलाई यो अवसरमा हार्दिक शुभकामना व्यक्त गर्दछु ।
प्रधानाध्यापकले यो विदामा आफनो अध्ययनलाई निरन्तरता दिन र आफनो गृहकार्य सबै सम्पन्न गर्न आग्रह गर्नु भयो । साथै कार्यक्रमका प्रमुख अतिथी धामीले यो पर्वले भाईचारा एक्यवद्धता र कला संस्कृतीको पहिचान बोकेको बताउनु भयो ।
यो पर्वमा सबैले आफनो गाँउघरमा गएर आफनो परिवार संग रहेर चाडपर्व मनाउनु पर्ने र देखासिकीमा नलाग्न पनि आग्रह गर्नुभयो । साथै यो विदामा आफनो पढाईलाई निरन्तरता दिनु पर्ने र आफनो गृहकार्य पनि सम्पन्न गर्न आग्रह गर्नु भयो ।
साथै विद्यालयमा ५० रुपैँयाको चिठ्ठा काटेर मोवाईल, स्टेन्ड पंखा, मिक्सर, घडीहरु प्रदान गरीएको थियो । उक्त चिठ्ठामा मोवाईल पुजा गिरीले पाउनु भएको थियो भने, स्टेन्ड पंखा पाउनेमा जेरिवेल चौधरी, ओमकार जोशी रहेका छन् ।
यसैगरी, मिक्सर पाउनेमा मनिषा कार्की र पुर्णिमा विष्ट रहेका छन् यस्तै, भित्ते घडी पाउनेमा प्रिन्स श्रेष्ठ, समिक्षा धामी, र शितल भट्ट रहेका छन् ।
Discussion about this post