काठमाडौं । नेपाली राष्ट्रिय पुरुष क्रिकेट टोलीले सन् २०२७ मा इङ्ल्यान्ड भ्रमण गर्ने भएको छ। भ्रमणका क्रममा नेपालले स्कटल्यान्ड, बङ्गलादेश र आयरल्यान्डसँग गरी ६ वटा अन्तर्राष्ट्रिय खेल खेल्नेछ।
नेपाल क्रिकेट सङ्घ (क्यान)ले पत्रकार सम्मेलनमार्फत भ्रमणको खेलतालिका सार्वजनिक गरेको हो। सार्वजनिक तालिकाअनुसार नेपालले स्कटल्यान्डसँग एकदिवसीय खेल खेल्दै भ्रमणको सुरुआत गर्नेछ।
त्यसपछि इङ्ल्यान्डको ऐतिहासिक लर्ड्स क्रिकेट मैदानमा बङ्गलादेशसँग टी–२० अन्तर्राष्ट्रिय खेल खेल्ने कार्यक्रम रहेको छ।
यस्तै, नेपालले आयरल्यान्डसँग एकदिवसीय खेल खेल्नेछ भने सोही टोलीसँग तीनवटा टी–२० अन्तर्राष्ट्रिय खेल पनि खेल्नेछ।
मेरिलेबोन क्रिकेट क्लब (एमसीसी)को सहकार्यमा हुन लागेको यो भ्रमणलाई नेपाल र एमसीसीबीच विस्तार हुँदै गएको क्रिकेट साझेदारीको महत्त्वपूर्ण उपलब्धिका रूपमा हेरिएको छ।
नेपालमा क्रिकेटको विकास, युवा खेलाडीलाई अन्तर्राष्ट्रिय अवसर प्रदान तथा विश्व क्रिकेटमा नेपालको पहुँच विस्तार गर्ने उद्देश्यले दुवै संस्थाले सहकार्य गर्दै आएका छन्।










Discussion about this post