काठमाडौं । नेपाली बजारमा शुक्रबार सुन र चाँदीको मूल्यमा उल्लेख्य गिरावट आएको छ। यस दिन सुन प्रतितोला १२ हजार २०० रुपैयाँ र चाँदी २२५ रुपैयाँले घटेको हो।
नेपाल सुनचाँदी व्यवसायी महासङ्घका अनुसार शुक्रबार छापावाल सुन प्रतितोला २ लाख ४५ हजार ४०० रुपैयाँमा कारोबार भइरहेको छ। बिहीबार सुनको मूल्य प्रतितोला २ लाख ५७ हजार ६०० रुपैयाँ रहेको थियो।
त्यस्तै, चाँदीको मूल्य पनि प्रतितोला २२५ रुपैयाँले घटेर ३ हजार ११० रुपैयाँ कायम भएको छ। अघिल्लो दिन बिहीबार चाँदी प्रतितोला ३ हजार ३३५ रुपैयाँमा कारोबार भएको थियो।
अन्तर्राष्ट्रिय बजारमा सुन तथा चाँदीको मूल्यमा आएको गिरावटको प्रभाव नेपाली बजारमा पनि परेको हो। तिहारपछि दुवै धातुको मूल्य निरन्तर ओरालो लागिरहेको छ।
अन्तर्राष्ट्रिय बजारमा सुन प्रतिऔँस १५६.९५ अमेरिकी डलर अर्थात् ४.२६ प्रतिशतले घटेर ३ हजार ५२७.३९ डलरमा कारोबार भइरहेको छ। यस्तै, चाँदी प्रतिऔँस ३.१४ डलर अर्थात् ७.०५ प्रतिशतले घटेर ४१.३२ डलरमा झरेको छ।










Discussion about this post