कञ्चनपुर । भीमदत्त नगरपालिका–११ का ३२ जना विद्यार्थीलाई वडा अध्यक्ष प्रकाश थापाले विद्यालय पोसाक वितरण गर्नुभएको छ ।
महाकाली जनज्योति विद्यालयमा अध्ययनरत विद्यार्थीलाई बिहीबार विद्यालयमै पुगेर वडा अध्यक्ष थापाले सर्ट–पाइन्ट तथा टी–सर्ट–ट्राउजर हस्तान्तरण गर्नुभएको हो ।
सामुदायिक विद्यालयमा अध्ययनरत विद्यार्थीलाई आवश्यक शैक्षिक सामग्री तथा पोसाक उपलब्ध गराउँदै उनीहरूको अध्ययनमा सहजता ल्याउने उद्देश्यले विद्यालय पोसाक वितरण गरिएको वडा अध्यक्ष थापाले बताउनुभयो ।
वडा अध्यक्ष थापाका अनुसार आर्थिक अवस्थाका कारण विद्यालय पोसाक तथा अन्य आवश्यक सामग्रीको अभाव झेलिरहेका विद्यार्थीलाई स्थानीय तहबाट सहयोग गर्ने उद्देश्यले कार्यक्रम सञ्चालन गरिएको हो ।
विद्यालय व्यवस्थापन पक्षले वडा कार्यालयबाट गरिएको सहयोगले विद्यार्थीको नियमित उपस्थितिमा समेत सकारात्मक प्रभाव पार्ने अपेक्षा गरेको जनाएको छ ।
Discussion about this post