काठमाडौं । भोटेकोशी–त्रिशूली बाढीबाट प्रभावित नागरिकका लागि राहत सामग्री लिएर कोरियन एयर फोर्सको जहाज काठमाडौं आइपुगेको छ।
बुधबार बिहान विपद्पछिको उद्धार तथा राहतका लागि आवश्यक सामग्रीसँगै फरेन्सिक ल्याबमा प्रयोग हुने सामग्री लिएर कोरियन एयर फोर्सको जहाज काठमाडौं अवतरण गरेको हो।
यसअघि नै दक्षिण कोरियाको रेस्क्यू टोली नेपाल आइपुगी बाढी प्रभावित क्षेत्रमा खोज तथा उद्धार कार्यमा जुटिरहेको छ। विशेषगरी प्रभावित क्षेत्रका सुरुङमा टोलीले खोज तथा उद्धार गरिरहेको जनाइएको छ।
बाढीपछि नेपालमा भारत, चीन, संयुक्त अरब इमिरेट्स (यूएई) र दक्षिण कोरियाले जहाजमार्फत राहत सामग्री पठाइसकेका छन्।
प्रहरीका अनुसार बाढीमा परी हालसम्म १ हजार ६८ जनाको शव निकालिएको छ। तीमध्ये ५८ जनाको शव परिवारलाई हस्तान्तरण गरिएको छ। यस्तै, ५८३ विदेशी नागरिकसहित ४ हजार ६०६ जना अझै बेपत्ता रहेको प्रहरीले जनाएको छ।
Discussion about this post