प्रतिनिधिसभाको सोमबारको बैठकमा सांसदहरूले सीमासम्बन्धी प्रधानमन्त्री बालेन्द्र शाहको अभिव्यक्ति सच्याउन र स्पष्ट पार्न सरकारसँग माग गरेका छन्।
बैठक सुरु हुनासाथ विपक्षी सांसदहरूले उठेर विरोध जनाएपछि सभामुखले दलीय आधारमा बोल्न समय दिएका थिए। सांसदहरूले गत जेठ १७ गते प्रधानमन्त्री शाहले संसद्मा दिएको नेपाल–भारत सीमासम्बन्धी अभिव्यक्तिबारे सरकारले अहिलेसम्म स्पष्ट जवाफ नदिएको भन्दै आपत्ति जनाए।
कांग्रेस सांसद रेनुका काउचा, एमाले सांसद नीता घतानी, नेपाली कम्युनिष्ट पार्टीका गणेश विश्वकर्मा र श्रम संस्कृति पार्टीका ध्रुवराज राईले सीमासम्बन्धी विषयमा सरकार प्रमुखबाट स्पष्ट धारणा आउनुपर्ने बताए।
बैठकमा सांसदहरूले दलित, भूमिहीन, लघुवित्त पीडितका समस्या वार्ताबाट समाधान गर्न तथा धार्मिक संस्थाको कानुनी दर्ता र आर्थिक पारदर्शिता सुनिश्चित गर्नसमेत सरकारको ध्यानाकर्षण गराए।
Discussion about this post