राष्ट्रिय स्वतन्त्र पार्टी (रास्वपा)का सभापति एवं पूर्वउपप्रधानमन्त्री रवि लामिछानेले सरकार गठन भएको चार महिनामा जनअपेक्षाअनुसार परिवर्तनको स्पष्ट आभास हुन नसकेको स्वीकार गरेका छन्।
नेपाली युवा उद्यमी मञ्चको २२औँ वार्षिक साधारण सभामा बोल्दै लामिछानेले चार महिना मात्रै भएकाले सरकारको पूर्ण मूल्याङ्कन गर्ने समय नभए पनि यस अवधिमा केही सकारात्मक परिवर्तनको सङ्केत देखिनुपर्ने बताए।
उनले नागरिकका सुझाव र गुनासालाई पार्टीले नजिकबाट सुनिरहेको भन्दै वर्तमान अवस्थालाई लिएर चिन्तित नहुन आग्रह गरे। मुलुकको राजनीतिक अवस्थालाई हवाई उडानको ‘टर्ब्युलेन्स’सँग तुलना गर्दै उनले केही अवरोध आए पनि देश सुरक्षित गन्तव्यतर्फ अघि बढिरहेको दाबी गरे।
लामिछानेले रास्वपासँग समाज परिवर्तनको हुटहुटी भएका युवा तथा व्यावसायिक व्यक्तित्वहरूको समूह रहेको उल्लेख गर्दै जनतासँगको सहकार्यमा सरकारलाई सफल बनाउने प्रतिबद्धता व्यक्त गरे।
Discussion about this post