सक्रिय राजनीति गर्ने राजसंस्थाको पक्षमा छैनौँ

धवलशमशेर जबरा ले नवगठित जय नेपाल पार्टी ले हिन्दु राष्ट्र, संवैधानिक राजसंस्थाको पुनःस्थापना र लोकतान्त्रिक प्रणालीलाई मुख्य राजनीतिक एजेन्डा बनाउने बताएका छन्।

पत्रकार सम्मेलनमा उनले सक्रिय राजसंस्था नभई अभिभावकीय भूमिकामा रहने संवैधानिक राजसंस्थाको पक्षमा रहेको स्पष्ट पार्दै पार्टीलाई युवा–महिला केन्द्रित र आन्तरिक लोकतन्त्रमा आधारित बनाइने बताए। साथै, साउन २८ गते पार्टी दर्ताका लागि निर्वाचन आयोगमा निवेदन दिने र आगामी स्थानीय तह निर्वाचनमा सहभागी हुने जानकारी पनि दिए।