आज पाँच संसदीय समितिको बैठक बस्दै

सङ्घीय संसद् प्रतिनिधिसभाअन्तर्गत आज पाँच वटा समितिको बैठक बस्दैछन्। अर्थ, महिला तथा सामाजिक मामिला, शिक्षा–स्वास्थ्य तथा सूचना प्रविधि, राज्य व्यवस्था तथा सुशासन र लेखा समितिले विभिन्न विधेयक तथा उजुरीमाथि छलफल गर्ने कार्यसूची तय गरेका छन्।

बिहान ११ बजे तीन समिति, दिउँसो १ बजे अर्थ समिति र २ बजे लेखा समितिको बैठक बस्नेछ। बैठकमा नेपाल राष्ट्र बैंक ऐन संशोधन विधेयक, राष्ट्रिय विधि विज्ञान प्रयोगशाला विधेयक, नेपाल विशेष सेवा ऐन सम्बन्धी विधेयकलगायत विषयमा छलफल हुनेछ।