सत्तारुढ राष्ट्रिय स्वतन्त्र पार्टी (रास्वपा) का सांसद डा. लेखजंग थापाले निर्वाचनमा आम नागरिकको सहभागिता र मतदान प्रतिशत बढाउन प्रस्तावित प्रमुख निर्वाचन आयुक्तसँग स्पष्ट कार्ययोजना माग गरेका छन्।
संसदीय सुनुवाइ समितिमा मानबहादुर कार्कीको सुनुवाइका क्रममा उनले सुदूरपश्चिमलगायत क्षेत्रमा मतदान प्रतिशत अझै न्यून रहेको उल्लेख गर्दै वृद्धवृद्धा, अशक्त तथा अपाङ्गता भएका व्यक्तिका लागि मतदान केन्द्र र यातायात व्यवस्था थप सहज बनाउनुपर्ने बताए।
सांसद थापाले निर्वाचन आयोगको संस्थागत क्षमता सुदृढ गर्ने, समावेशी मतदान प्रणाली विकास गर्ने तथा हाल करिब ५६.६ प्रतिशत रहेको मतदान दर बढाउने ठोस लक्ष्य र कार्ययोजना सार्वजनिक गर्नुपर्नेमा जोड दिए। उनले प्रमुख निर्वाचन आयुक्तसँग स्पष्ट दृष्टिकोण र परिणाममुखी योजना आवश्यक रहेको बताए।
Discussion about this post