सहकारी पीडितहरूले बचत फिर्ताको माग गर्दै आज काठमाडौंको माइतीघरमा प्रदर्शन गरेका छन्।
सहकारी बचतकर्ता संरक्षण राष्ट्रिय अभियानको आयोजनामा भएको प्रदर्शनमा सहभागीहरूले भेदभावरहित रूपमा बचत फिर्ताको व्यवस्था गर्न र बचत फिर्ताको बलियो आधार बनाउन माग गरेका छन्।
माइतीघरबाट सुरु भएको र्याली बुद्धनगरस्थित समस्याग्रस्त सहकारी व्यवस्थापन समितिको कार्यालय पुगेको थियो।
प्रदर्शनकारीहरूले यसअघि सरकारसँग भएको सम्झौता कार्यान्वयन गर्न माग गर्दै बचत फिर्ताका नाममा साना–ठूला बचतकर्ताबीच विभेद गर्न नहुने बताएका छन्।
Discussion about this post