प्रधानमन्त्री बालेन्द्र शाहले आज चिया उद्योगका प्रतिनिधिहरूसँग छलफल गर्ने भएका छन्।
प्रधानमन्त्री कार्यालयका अनुसार बिहान ११ बजे हुने छलफलमा चिया उद्योगले भोगिरहेका समस्या, समाधानका उपाय, निर्यात प्रवर्द्धन तथा भारतीय नीति र भन्सार प्रक्रियाले नेपाली चिया व्यापारमा पारेको प्रभावबारे चर्चा हुनेछ।
छलफलमा अर्गानिक एसोसिएसन अफ नेपाल, गोर्खा टी–स्टेट, हिमालयन सांग्रिला चिया उद्योग, अन्नपूर्ण अर्गानिक एग्रो इन्डस्ट्रीलगायतका प्रतिनिधि सहभागी हुनेछन्। प्रधानमन्त्री शाहले पछिल्ला दिनमा विभिन्न निजी क्षेत्रका व्यवसायी र उद्योगीहरूसँग निरन्तर संवाद गरिरहेका छन्।
Discussion about this post