वर्षा र पहिरोले देशभरका प्रमुख राजमार्ग प्रभावित, केही सडक पूर्ण अवरुद्ध

अविरल वर्षा, बाढी र पहिरोका कारण देशका विभिन्न राजमार्ग तथा सडकखण्ड प्रभावित भएका छन्। बिपी राजमार्ग र कान्तिलोकपथमा रातिको समयमा सवारी सञ्चालनमा रोक लगाइएको छ।

मेची राजमार्ग, अरनिको राजमार्ग, कालीगण्डकी करिडोर, राँके–रवि–भेडेटार सडक, आरुघाट–माछिखोला सडक तथा ललितपुरस्थित कान्तिलोकपथका केही खण्ड पहिरोका कारण पूर्ण रूपमा अवरुद्ध भएका छन्।

नेपाल प्रहरीले यात्रा गर्नुअघि सडकको अवस्था बुझेर मात्रै यात्रा गर्न सर्वसाधारणलाई आग्रह गरेको छ।