कञ्चनपुर । सुदूरपश्चिम विश्वविद्यालय इन्जिनियरिङ संकाय, स्कुल अफ इन्जिनियरिङ अन्तर्गत रहेको इन्जिनियरिङ विद्यार्थी समाजको नयाँ नेतृत्व चयन भएको छ। नयाँ कार्यसमितिको अध्यक्ष पदमा लोकेश जोशी भारी मतका साथ निर्वाचित भएका छन्।
नयाँ नेतृत्व चयनका लागि भएको निर्वाचनमा कुल ३७५ मत खसेको थियो। जसमध्ये अध्यक्ष पदका विजेता जोशीले २३८ मत प्राप्त गरे। निर्वाचनबाट समाजको अन्य महत्वपूर्ण पदाधिकारीहरू पनि चुनिएका छन्।
भोट परिणाम अनुसार उपाध्यक्ष पदमा २१८ मत ल्याएर डिल्लीराज जोशी विजयी भएका छन्। त्यस्तै, महासचिव पदमा राम बहादुर कुँवर १५३ मतसहित निर्वाचित भएका छन् भने सचिव पदमा गोमती बुढा क्षेत्रीले २०७ मत प्राप्त गर्दै जित हासिल गरेकी छन्।
कार्यसमितिका अन्य सदस्यहरू भने सर्वसम्मत चयन गरिएको हो। नवनिर्वाचित कार्यसमितिले इन्जिनियरिङ पढ्ने विद्यार्थीहरूको हकहित, क्षमता विकास र शैक्षिक वातावरण सुदृढिकरणका लागि काम गर्ने प्रतिबद्धता जनाएको छ।
Discussion about this post