प्रधानमन्त्री वालेन्द्र शाहले सातै प्रदेशमा सुविधासम्पन्न बर्न (जलन) उपचार केन्द्र स्थापना गर्ने प्रक्रिया तत्काल अघि बढाउन सम्बन्धित निकायलाई निर्देशन दिएका छन्।
सोमबार प्रधानमन्त्री तथा मन्त्रिपरिषद्को कार्यालयमा स्वास्थ्य विज्ञान प्रतिष्ठानका उपकुलपतिहरूसँग भएको छलफलमा उनले प्रमुख सरकारी अस्पतालका बर्न वार्ड सुदृढ गर्दै गम्भीर जलनका बिरामीलाई समयमै गुणस्तरीय उपचार उपलब्ध गराउन संघ, प्रदेश र स्वास्थ्य संस्थाबीच प्रभावकारी समन्वय गर्न आग्रह गरे।
प्रधानमन्त्री शाहले स्वास्थ्य सेवा नागरिकमैत्री, गुणस्तरीय र प्रविधिमैत्री बनाउन अस्पतालमा सरसफाइ, डिजिटल प्रणालीको विस्तार तथा सुशासनमा जोड दिए। साथै, विपन्न तथा असहाय नागरिकका लागि निजी अस्पतालले ओपिडी सेवाको कम्तीमा १० प्रतिशत सेवा सहुलियतमा उपलब्ध गराउने व्यवस्था प्रभावकारी रूपमा कार्यान्वयन गर्न निर्देशन दिए।
छलफलमा स्वास्थ्य विज्ञान प्रतिष्ठानका उपकुलपतिहरूले चिकित्सा शिक्षा, स्वास्थ्य सेवा, पूर्वाधार विकास, अनुसन्धान, डिजिटल स्वास्थ्य प्रणाली र जनशक्ति व्यवस्थापनका विषयमा आफ्ना सुझाव प्रधानमन्त्रीसमक्ष प्रस्तुत गरेका थिए।
Discussion about this post