असारमै २७ प्रतिशत बजेट खर्च, सुदूरपश्चिम सरकारको १२ अर्ब ५९ करोड फ्रिज

सुदूरपश्चिम प्रदेश सरकारले आर्थिक वर्ष २०८२/८३ मा विनियोजित ३३ अर्ब ४३ करोड रुपैयाँ बजेटमध्ये २० अर्ब ८३ करोड रुपैयाँ अर्थात् ६२.३३ प्रतिशत मात्र खर्च गरेको छ। करिब १२ अर्ब ५९ करोड रुपैयाँ (झन्डै ३८ प्रतिशत) बजेट खर्च हुन नसकेको प्रदेश लेखा नियन्त्रक कार्यालयले जनाएको छ।

तथ्यांकअनुसार कुल वार्षिक खर्चको २७.१३ प्रतिशत रकम असार महिनामा मात्रै खर्च गरिएको छ भने सबैभन्दा धेरै बजेट पाएको भौतिक पूर्वाधार विकास मन्त्रालयले पनि करिब ६० प्रतिशत मात्र बजेट कार्यान्वयन गर्न सकेको छ।