प्रधानमन्त्री बालेन्द्र शाहले भक्तपुरको कमल विनायकस्थित नवदुर्गा द्योछें मन्दिरको दर्शन तथा अवलोकन गरेका छन्।
भलभल अष्टमीका अवसरमा सोमबार मन्दिर पुगेका प्रधानमन्त्री शाहलाई नवदुर्गा जात्रा व्यवस्थापन समितिका वनमालाहरूले मन्दिरको ऐतिहासिक, धार्मिक तथा सांस्कृतिक महत्त्वका साथै नवदुर्गा जात्रा र पर्वको परम्पराबारे जानकारी गराएका थिए।
समितिका पूर्वअध्यक्ष नारायण वनमालाका अनुसार भलभल अष्टमीका दिन नवदुर्गा देवगणको मुकुण्डोलाई ब्रम्हायणी लगेर अन्त्येष्टि गर्ने परम्परा रहेको छ।
सोही परम्पराअनुसार सोमबार साँझ नवदुर्गा देवगणले यस वर्षको अन्तिम नाच प्रदर्शन गरी स्थानीय भक्तजनबाट पूजा ग्रहण गरेका थिए। प्रधानमन्त्री शाह मन्दिरबाट फर्किएपछि देवगणको ब्रम्हायणी यात्रा सुरु भएको थियो।
यसै क्रममा देवगणले प्रयोग गरेको मुकुण्डो ब्रम्हायणी पुर्याएर धार्मिक परम्पराअनुसार जलाइएको थियो।
Discussion about this post