सरकारले देशका सात विश्वविद्यालयका उपकुलपति पदमा प्रतिस्पर्धात्मक प्रक्रिया अपनाई योग्यताका आधारमा नियुक्ति गरिएको जनाएको छ।
प्रधानमन्त्री बालेन्द्र शाह नेतृत्वको सरकारले आफ्नो १०० दिने कार्यअवधिको प्रमुख उपलब्धि सार्वजनिक गर्दै उक्त जानकारी दिएको हो।
शिक्षामन्त्री एवं सरकारका प्रवक्ता सस्मित पोखरेलका अनुसार त्रिभुवन विश्वविद्यालय सेवा आयोगको रिक्त अध्यक्षमा किशोर थापा र सदस्यमा प्रा. डा. रेजिना मास्के नियुक्त भएका छन्।
त्यसैगरी विभिन्न सात विश्वविद्यालयका उपकुलपति प्रतिस्पर्धात्मक प्रक्रियामार्फत नियुक्त गरिएको सरकारको भनाइ छ।
नियुक्त भएका उपकुलपतिहरूमा त्रिभुवन विश्वविद्यालयमा भोला थापा, सुदूरपश्चिम विश्वविद्यालयमा किसनदत्त भट्ट, मध्यपश्चिम विश्वविद्यालयमा राजन सुवाल, कृषि तथा वन विश्वविद्यालयमा ऋषिराम कट्टेल, राजर्षी जनक विश्वविद्यालयमा श्यामनारायण लाभ, पोखरा विश्वविद्यालयमा देवेन्द्र अधिकारी र पूर्वाञ्चल विश्वविद्यालयमा सुजनबाबु मरहट्टा रहेका छन्।
सरकारका अनुसार उपकुलपतिहरूलाई यसअघि नै पद तथा गोपनीयताको शपथ गराइसकिएको छ।
Discussion about this post