श्रम संस्कृति पार्टीका अध्यक्ष हर्क साम्पाङले वर्तमान सरकारले १०० दिनमा नागरिकले प्रत्यक्ष महसुस गर्ने गरी प्रभावकारी काम गर्न नसकेको टिप्पणी गर्नुभएको छ।
दार्चुलाको दुर्गम गाउँमा झोलुङ्गे पुल उद्घाटन गरी काठमाडौँ फर्किएपछि त्रिभुवन अन्तर्राष्ट्रिय विमानस्थलमा प्रतिक्रिया दिँदै उहाँले महँगी नियन्त्रणमा अपेक्षित नतिजा नआएको बताउनुभयो। उहाँले सरकारले पछिल्लो समय पेट्रोलियम पदार्थको भाउ घटाएको निर्णयको भने समर्थन गर्नुभयो।
यसैबीच राष्ट्रिय स्वतन्त्र पार्टी (रास्वपा) का वरिष्ठ नेता बालेन्द्र शाह नेतृत्वको सरकारले १०० दिनमा गरेका काम भोलि सार्वजनिक गर्ने तयारी गरेको छ। प्रधानमन्त्री शाहको सचिवालयका अनुसार सरकारका उपलब्धि तथा कार्यसम्पादनको समीक्षा सहित सूची सार्वजनिक गरिनेछ।
सरकार गठन भएको भोलि १०० दिन पूरा हुने र गएको चैत १३ गते सरकारले शासकीय सुधारका १०० कार्यसूची सार्वजनिक गरेको थियो।
Discussion about this post