सन् २०२६ को जुन महिनामा हवाई मार्गबाट ९१ हजार ३६३ जना विदेशी पर्यटक नेपाल आएका छन्।
नेपाल पर्यटन बोर्डका अनुसार यो सङ्ख्या गत वर्षको सोही अवधिको तुलनामा १९.५ प्रतिशत बढी हो। सन् २०२५ को जुनमा ७६ हजार ४२५ जना विदेशी पर्यटक नेपाल आएका थिए।
बोर्डका तथ्याङ्कअनुसार कोभिड–१९ महामारीअघि सर्वाधिक पर्यटन गतिविधि भएको सन् २०१९ को जुन महिनाको तुलनामा पनि यस वर्ष पर्यटक आगमन २२.०१ प्रतिशतले बढेको छ। सन् २०१९ को जुनमा ७४ हजार ८८३ जना पर्यटक नेपाल आएका थिए।
मध्यपूर्वमा जारी युद्ध, हवाई टिकटको मूल्यवृद्धि तथा यात्रासम्बन्धी चुनौतीका बाबजुद नेपालमा पर्यटक आगमन उल्लेख्य रूपमा बढेको बोर्डले जनाएको छ।
जुन महिनामा नेपाल आउनेमध्ये ४१ हजार ८०९ जना भारतीय पर्यटक रहेका छन्। त्यसपछि चीनबाट ८ हजार ८७५, युरोपबाट १३ हजार ११९ र अमेरिकी महादेशबाट ६ हजार ९५४ जना पर्यटक नेपाल आएका छन्।
Discussion about this post