मदन भण्डारी फाउण्डेशनले ‘मदन भण्डारी राष्ट्रिय पुरस्कार–२०८२’ लेखक तथा अध्येता रमेश रुछेन राईलाई प्रदान गरेको छ।
राईको अनुसन्धानमूलक कृति ‘श्वेतशार्दूल’ (मदन भण्डारीको जीवन) लाई यस वर्षको ‘मदन भण्डारी राष्ट्रिय पुरस्कार–२०८२’बाट सम्मानित गरिएको हो। आज काठमाडौंमा आयोजित विशेष समारोहमा उहाँलाई पुरस्कार हस्तान्तरण गरिएको छ।
फाउण्डेशनले जननेता मदनकुमार भण्डारीको व्यक्तित्व, विचार, राजनीतिक योगदान तथा उहाँसँग सम्बन्धित अध्ययन, अनुसन्धान, प्रकाशन र वैचारिक बहसलाई प्रोत्साहन गर्ने उद्देश्यले प्रत्येक वर्ष यो पुरस्कार प्रदान गर्दै आएको जनाएको छ।
इलामको सूर्योदय नगरपालिका–११, केराबारी निवासी राई लामो समयदेखि नेपाली राजनीति, विकास तथा समसामयिक विषयमा स्वतन्त्र अध्येता तथा अनुसन्धानकर्ताका रूपमा सक्रिय रहँदै आउनुभएको छ। उहाँको अनुसन्धानमूलक कृतिले मदन भण्डारीको जीवन, विचार र राजनीतिक योगदानलाई दस्तावेजीकरण गर्दै नयाँ पुस्तासम्म पुर्याउन महत्त्वपूर्ण योगदान दिएको फाउण्डेशनले जनाएको छ।
Discussion about this post