चितवनमा चलिरहेको राष्ट्रिय स्वतन्त्र पार्टी (रास्वपा) को पहिलो राष्ट्रिय महाधिवेशनअन्तर्गत पदाधिकारी चयनका लागि मतदान शुरू भएको छ । महाधिवेशनको छैटौँ दिन आज दोस्रो चरणमा पदाधिकारी छान्न मतदान शुरू भएको हो ।
पार्टीको सभापतिमा यसअघि नै रवि लामिछाने निर्विरोध भइसक्नुभएको छ । त्यस्तै उपसभापतिमा पुरुषतर्फ स्वर्णिम वाग्ले निर्विरोध हुनुभएको छ ।
अहिले महिला उपसभापति, महामन्त्री, दुई खुला सहमहामन्त्री र एक महिला सहमहामन्त्री पदका लागि निर्वाचन भइरहेको छ ।
महिला उपसभापतिमा सोविता गौतम र तोषिमा कार्की बीच प्रतिस्पर्धा हुँदैछ ।
महामन्त्री पदका लागि विपीन आचार्य, मनिष झा, गणेश कार्की र सागर ढकालबीच प्रतिस्पर्धा भइरहेको छ । यसअघि उम्मेदवारी दिएका राजुनाथ पाण्डे, रञ्जु दर्शनासहित केही उम्मेदवारले नाम फिर्ता लिएर आचार्यलाई समर्थन गरेका छन् ।
त्यस्तै सहमहामन्त्रीतर्फ पुरुष तथा महिला दुवै समूहबाट विभिन्न उम्मेदवारहरूबीच प्रतिस्पर्धा भइरहेको छ । रास्वपाको केन्द्रीय पदाधिकारी संरचना १९ सदस्यीय रहने व्यवस्था छ ।
Discussion about this post