नेपालबाट चोरी गरी अमेरिकामा पुर्याइएका दुई ऐतिहासिक मूर्ति नेपाललाई फिर्ता गरिएको छ। न्युयोर्कमा रहेको नेपाली महावाणिज्यदूतावासमा आयोजित विशेष हस्तान्तरण समारोहमा न्युयोर्कको सरकारी वकिलको कार्यालयले पद्मपाणी र नृत्यदेवी मूर्तिको स्वामित्व औपचारिक रूपमा नेपाल सरकारलाई हस्तान्तरण गरेको हो।
महावाणिज्य दूतावासका अनुसार १३औँ शताब्दीको कांस्य पद्मपाणी मूर्ति काठमाडौँको थमबहिलको अनुपम कलाकृति मानिन्छ। यो मूर्ति सन् १९७१ देखि १९७७ बीचको अवधिमा अवैध रूपमा अमेरिका पुर्याइएको अनुमान गरिएको छ।
त्यसैगरी १६औँ शताब्दीको काठबाट निर्मित नृत्यदेवी मूर्ति ललितपुरको इबहाबहीको उत्कृष्ट काष्ठकलाको नमूना मानिन्छ। यो मूर्ति सन् १९६९ देखि १९८३ बीचमा चोरी गरी अमेरिका लगिएको अनुमान छ।
न्युयोर्कस्थित महानगर सङ्ग्रहालयबाट बरामद गरिएका यी दुवै सांस्कृतिक सम्पदा अब नेपाल पठाउने तयारी भइरहेको छ।
Discussion about this post