Everest Engineering College मा आयोजित एक कार्यक्रममा Amazon Web Services (AWS) अन्तर्गत विद्यार्थी निर्माण समूह (AWS Student Builders Group) गठन गरिएको छ।
समूहले क्लाउड कम्प्युटिङ, कृत्रिम बुद्धिमत्ता (AI), मेसिन लर्निङ, साइबर सुरक्षा तथा अन्य नवीन प्रविधिमा केन्द्रित कार्यशाला, सेमिनार, ह्याकाथन र प्रयोगात्मक सिकाइ कार्यक्रम सञ्चालन गर्ने लक्ष्य राखेको जनाएको छ।
कार्यक्रममा कलेजका प्राचार्य Hari Krishna Shrestha ले विद्यार्थीहरूले कक्षा समयबाहिर सञ्चालन गर्ने यस्ता गतिविधिले सिकाइ र नेतृत्व विकासमा महत्वपूर्ण योगदान पुर्याउने बताउनुभयो। कलेजका प्रमुख कार्यकारी अधिकृत Arun Kumar Bhandari ले समूहका गतिविधिलाई कलेजको पूर्ण सहयोग रहने प्रतिबद्धता व्यक्त गर्नुभयो।
समूहका सदस्यहरूले अध्ययन सामग्रीमा पहुँच, कार्यशाला तथा वेबिनारमा सहभागिता, व्यावसायिक सञ्जाल विस्तार, AWS सेवाको व्यावहारिक अनुभव, नेतृत्व विकास, प्रमाणपत्रसम्बन्धी मार्गदर्शन तथा विभिन्न ह्याकाथन र प्रतियोगितामा सहभागी हुने अवसर प्राप्त गर्ने अपेक्षा गरिएको छ।
समूहका कप्तान Shivraj Paudel ले कलेज प्रशासनप्रति धन्यवाद व्यक्त गर्दै सबै विद्यार्थीलाई समूहका गतिविधिबाट लाभ लिन आग्रह गर्नुभयो।
पाँच सदस्यीय समूहमा शिवराज पौडेल, विश्वास नेपाल, सामिन थापा, पियुष चन्द र स्नेहा पौडेल रहेका छन्। चालु शैक्षिक वर्षका लागि विभिन्न प्राविधिक तथा व्यावसायिक विकाससम्बन्धी कार्यक्रमहरूको योजना समेत तयार भइसकेको जनाइएको छ।
Discussion about this post