कञ्चनपुर । कञ्चनपुर महेन्द्रनगरस्थित मदरल्यान्ड मन्टेश्वरीले आफ्ना विद्यार्थीहरूको स्वास्थ्यलाई प्राथमिकता दिँदै एक दिने विशेष स्वास्थ्य शिविर सम्पन्न गरेको छ।
महाकाली प्रादेशिक अस्पताल र महेन्द्रनगर आँखा अस्पतालको प्राविधिक सहयोग तथा सहकार्यमा विद्यालय प्राङ्गणमा उक्त शिविर सञ्चालन गरिएको हो।
शिविरमा अस्पतालका विशेषज्ञ चिकित्सक तथा स्वास्थ्यकर्मीको टोलीले विद्यालयमा अध्ययनरत साना बालबालिकाहरूको सामान्य स्वास्थ्य जाँच गर्नुका साथै आँखाको विस्तृत परीक्षण गरेका थिए।
विद्यालयकी संस्थापक प्रिन्सिपल सरस्वती चन्द भट्टका अनुसार बालबालिकाको प्रारम्भिक स्वास्थ्य अवस्था पहिचान गरी उनीहरूलाई स्वस्थ शैक्षिक वातावरण प्रदान गर्ने उद्देश्यले उक्त कार्यक्रम आयोजना गरिएको हो। प्रिन्सिपल भट्टले शिविर सञ्चालनमा महत्वपूर्ण भूमिका खेल्ने महाकाली प्रादेशिक अस्पताल र महेन्द्रनगर आँखा अस्पतालको टोलीलाई विशेष धन्यवाद ज्ञापन गर्नुभएको छ।
Discussion about this post